Visit Reykjanes, Facebook og kiðlingur fæðist í Landnámsdýragarðinum

Í gær birti Reykjanesbær frétt um það að kiðlingur hefði fæðst í Landnámsdýragarðinum.

Það fannst mér skemmtileg frétt.

Ég athugaði hvort eitthvað stæði um það á facebooksíðu Visit Reykjanes.

En svo var ekki.  Allt í lagi,  það þarf ekki allt að gerast strax.

En annað sem ég tók eftir sem er ekki svo gott og það er að það hefur ekkert verið sett á facebooksíðuna síðan 12. mars á þessu ári.

Það er alls ekki nógu gott.  Það þarf að setja eitthvað allavega vikulega inn á síðuna til þess að hún nái einhverjum árangri.

Þó svo að það ekkert áhugavert er um að vera, þá er hægt að setja inn myndir eða láta vita frá menningarlegum atburðum.  Líka þá atburði sem við teljum að séu aðeins fyrir "Íslendinga".

Reykjanesbær verður að útbúa heimasíðu fyrir Landnámsdýragarðinn á ensku með myndum og upplýsingar um dýrin.  Þá getum við komið í veg fyrir svona fyrirsögn:

"The first kid is born instrument of colonization zoo".

Þegar ég reyni að finna Landnámsdýragarðinn á heimasíðu Víkingaheima, þá finn ég ekki neitt.

Visit Reykjanes þarf nauðsynlega að virkja facebook.  Núna eru aðeins 70 aðdáendur, ég legg til að þú verðir aðdáandi og mælir með síðunni fyrir vini ykkar innanlands sem erlendis.

Það er hægt að tryggja það að ekkert gerist ef ekkert er gert.  Þess vegna þarf að gera eitthvað til þess að ná árangri.

 

 

Þetta finnst mér synd

Mér finnst það mikil synd að skipið skuli verða brotið niður og búin til úr því hnífapör.

Mér leist vel á það að gera skipið að veitinga- og skemmtistað, en það gekk ekki upp.

Ég hefði ekki málað það gulllitað heldur reynt að halda því eins og það var.

En nú er nýtt tækifæri og það er að búa til hnífapör á Íslandi sem heita Þór.

Alltaf tækifæri alls staðar. 

Hinstu stundir Þórs í Helguvík

Hugmyndaríkir Húsvíkingar

Þessi hugmynd um rekstur heilsulindar á Húsavíkurhöfða er alveg frábær.

Það sem mér finnst best að öllu er að menn eru að átta sig á því að ferðamenn þurfa að staldra lengur við.

Það er ekki nóg að hafa aðeins hvalaskoðun sem ferðamenn geta farið í á ferð sinni í gegnum Húsavík.

Ferðamenn eiga að gista á Húsavík.  

Það hefur mikil uppbygging átt sér stað á Húsavík.

Boðið er upp á hestaferðir, hvalaskoðun, hvalasafn og margt fleira.

Ég er alveg viss um það að Húsavík á eftir að verða þekkt nafn í ferðaiðnaðinum.

Fyrirtæki og einstaklingar þurfa að vinna saman að því.

Einnig þarf flokkspólitík að víkja fyrir langtíma markmiðum og uppbyggingu á svæðinu. 

Hér er frétt frá Bath um bað:

Heilsulind á Húsavíkurhöfða

Suðurnesin tapa markaðshlutdeild

Það eru góðar fréttir að ferðamönnum er að fjölga á Íslandi.

Gistinóttum fjölgar því einnig samferða fjölgun ferðamanna.

Ef við horfum á fjölda gistinátta í Reykjavík, þá voru þær 104.300 og fjölgaði um 40% á milli ára á sama tímabili.

Á Suðurnesjum voru gistinætur 5.100 og fjölgaði um 15% á milli ára á sama tímabili.

Gistinætur á Suðurnesjum voru því tæp 5% af gistinóttum í Reykjavík.

Ferðamenn er stærsta hlutfall þeirra sem gista á hótelum og gistiheimilum.

Þó svo að það er fjölgun gistinátta á Suðurnesjum, þá er svæðið að tapa markaðshlutdeild.

Það verður að sporna gegn því.   

Markaðsskrifstofa Suðurnesja og fyrirtæki í ferðaiðnaði á Suðurnesjum þurfa að setja meiri kraft í samstarf sín á milli og kynna svæðið betur.  Kynningin á að láta okkur fá þá tilfinningu að Suðurnesin er einstakt svæði, eins og það er.

Það eru til mörg verkfæri sem hægt er að nota við markaðssetningu. 

Það verður að vera langtíma markmið að auka markaðshlutdeild svæðisins. 

Gistinóttum fjölgar mikið

Hvað er rétt og hvað er rangt?

Það er ekki alltaf einfalt að taka ákvörðun.  

Það eru þó alltaf að minnsta kosti tveir möguleikar í stöðunni.  Að gera það sem er "rétt" án þess að vera viss um að niðurstaðan verði góð.  Hinn möguleikinn er að gera það sem er ekki "rétt" til að fá  góða niðurstöðu.  Á ensku er þetta kallað teleological og deontological ethics.

Við höfum fengið fréttir af því að fyrirtæki og stjórnvöld hafi ekki stundað rekstur sinn eftir því sem við köllum siðferðilega rétt.  Í síðustu viku var Geir H. Haarde svo dæmdur fyrir stjórnarskrárbrot.

Að vera í forsæti fyrirtækis eða ríkisstjórnar er ekki auðvelt og það er nauðsynlegt að gera allt sem gera þarf til þess að fyrirtæki eða ríkisstjórn haldi velli.  Oft á tíðum lítum við á viðskipti og siðferði sem sinn hvorn hlutinn sem ekki er hægt að samræma (Winkler 2009).

Þeir aðilar sem hafa verið dæmdir fyrir brot sjá ekkert athugavert við það sem þeir hafa verið dæmdir fyrir.  Geir H. Haarde talaði um formbrot.  Þegar Jeffrey Skilling, fyrrverandi framkvæmdastjóri Enron, sagði á deginum þegar hann var dæmdur að hann trúði því innilega að hann væri saklaus;  I believe I am innocent (Pasha 2006).

Geir H. Haarde og Jeffrey Skilling er báðir á því máli að vegna hruns og gjaldþrots þurfti að finna einhverja til þess að kenna um hvernig fór.  Þeir forðast að vera brennimerktir sem spilltir með því að líta þannig á hlutina að verk þeirra voru eðlileg á sínum tíma (Anand et al. 2004).

Eftir því hvernig við horfum á siðferði og ákvarðanatöku geta þeir báðir haft rétt fyrir sér.  Þeir þurftu báðir að gera misgóða hluti til þess að fá góða niðurstöðu.  

Það getur verið erfitt að taka ákvörðun.  Áður en við tökum ákvörðun þurfum við að vega og meta hvað er í húfi.  Svo tökum við ákvörðun sem við erum sjálf sátt við.  

Hvort að sú ákvörðun var rétt eða röng, frá siðferðilegu sjónarhorni, er oft annarra að meta. 

 

Heimildir:

Anand, V., Ashforth, B. E. and Joshi, M. 2004. Business as usual: The acceptance and perpetuation of corruption in organizations.  Academy of Management Executive. Vol. 18. no. 2, pp. 39-53.

Pasha, S. 2006. Skilling gets 24 years. Media report. 24. October.  CNN Money.  Accessed: 17. August 2011.  http://money.cnn.com

Winkler, S. 2009. Comparison of  IFRS and US GAAP with special view on business ethics.  Bachelor thesis.  International University of Applied Sciences.  Bad Honnef, Germany.

Stefna til Strassborgar

Drífum þetta bara af eða bitnar það á þjónustustiginu?

Já, ferðamönnum er að fjölga.

Það er ansi ánægjulegt og skemmtilegt.

Það er samt sem áður ekki sérlega sniðugt að fá svona mörg skemmtiferðaskipt í einu.

Eins og sagt er frá í fréttinni, þá verða líklega ansi margar rútur á ferðinni með ferðamenn hingað og þangað.

Þá er spurning hvort að þjónustustigið verði lakara.  

Það má alls ekki bara drífa þetta af og láta það bitna á þjónustustiginu.

Þá getur það endað þannig að allir verða óánægðir með ferðina um Ísland.

Reynum að vinna hratt og vel en samt sem áður halda uppi góðu þjónustustigi.

Þetta er vissulega törn, en hún verður að vera með bros á vör og góðu viðmóti. 

Til lengri tíma litið er ekki sniðugt að fórna þjónustustiginu fyrir hærri tekjur til skemmri tíma. 

Lúxusvandi í ferðaþjónustu 18. júní

Nýkrónur og fjárfesting íslenskra einstaklinga og fyrirtækja

Það eru uppi hugmyndir að myntbreytingu hér á Íslandi.

Að losa landið við svokallaðar "froðueignir".

Þetta er áhugaverð hugmynd sem á sér hliðstæðu í herteknu Þýskalandi þar sem Ludwig Erhardt var skipaður fjármálaráðherra af hersetuliðinu í vesturhluta Þýskalands.  Það var engin stjórnarskrá til á þessum tíma og því enginn eignarréttur.

Gjaldeyrishöftin voru sett á, í október 2008, til þess að erlendir eigendur íslenskra króna gætu ekki skipt þeim yfir í erlenda mynt 

Síðan þá hafa íslensk fyrirtæki þurft að skipta öllum útflutningstekjum í íslenskar krónur.

Vegna þessa erfiða ástands og mikillar óvissu í efnahagsmálum hefur verið lítið um fjárfestingar.

Eru það froðueignir þegar fyrirtæki og einstaklingar hafa verið að leggja peninga til hliðar til þess að mæta óvissu?

Það er of seint að skipta yfir í nýkrónur nema að upphæðin sem skerðist er það há að þeir sem hafa verið að reyna að minnka óvissu og tryggja rekstur fyrirtækja sinna verði ekki fyrir skerðingu.

Hættan af umræðu um nýkrónur er auðvitað sú að peningar fara að leita að fjárfestingarkostum í fasteignum og öðru slíku sem verður til þess að fasteignaverð hækkar.

Er það nóg fyrir þá sem skulda mest að fasteignaverð þeirra hækkar þannig að þeir verða komnir í jákvæða eignastöðu?

Skiptir þá greiðslugeta skuldara þá engu máli?

Umræðan um nýkrónur er áhugaverð, en verði þessi hugmynd að veruleika getur hún sogið í burtu hluta af fjárfestingarfé þeirra fyrirtækja sem hafa viljað fara varlega hingað til.

Þannig gæti fjárfesting Íslendinga dregist saman enn meir því ekkert fé er lengur til og það gæti kallað á enn meiri erlenda fjárfestingu. 

Þetta er ágætis umræða, en við verðum einnig að horfa á þetta út frá fyrirtækjum sem hafa viljað fara varlega í fjárfestingum vegna efnahagsástandsins.

Við verðum að læra að betra er að eiga fyrir fjárfestingum en að taka lán fyrir henni.  Það áttum við að læra í hruninu í október 2008. 

Þau okkar sem erum á móti því hversu bankarnir eru sterkir eiga að vera ánægð með einstaklinga og fyrirtæki sem ekki skulda heldur leggja til hliðar og fjárfesta án þess að þurfa að taka mikil lán. 

Að taka sparnaðinn og kalla hann froðueign er ekki til þess að kenna okkur sparnað. 

Fjárfestingar í ferðaiðnaði kallar oft á kostnaðarsama fjárfestingu.  Þetta er langtíma fjárfesting.  Þess vegna er gott að leggja tekjur til hliðar og fjárfesta með eigin peningum til þess að tryggja áframhaldandi rekstrargrundvöll. 

Sparnaður er dyggð. 

Starfsmenn Hörpunnar þurfa að taka sig á

Ráðstefnu- og tónlistahúsið Harpa er ansi fín bygging.

Ég er samt sem áður ekki eins ánægður með starfsfólk Hörpu og hvernig það kemur fram.

Það virðist mikið vanta upp á þekkingu þeirra og reynslu.

Vísir birti frétt og vísaði í starfsmenn Hörpunnar um að hætt hefði verið að taka við bókunum vegna árshátíða fyrirtækja.  Var það vegna kvartanna gesta sem voru á sama tíma á tónleikum með Björk og heyrðu háværa tónlist frá árshátíðinni.

Ég spyr mig, hvaða starfsmaður Hörpunnar ákveður að taka við bókun árshátíðar með tónlist um leið og Björk er með tónleika?  Það getur því miður ekki verið mjög reyndur starfsmaður, því hann tekur ekki við 2 viðburðum í einu þar sem hávær tónlist er spiluð.

Ég sendi tölvupóst á netfang Hörpunnar og bað um bæklinga þar sem kennari minn, í hótelskóla erlendis, hefði áhuga á því að koma til Íslands með bekkinn sinn og skoða Hörpuna.

Ég fékk sent umslag með 3 bæklingum á ensku um Hörpuna.  Ég get verið ánægður með það, en það sem vantaði var bréf með bæklingunum og nafn á starfsmanni Hörpunnar sem gæti sinnt okkur frekar. 

Þar sem ég hef starfað hefur þetta alltaf verið þannig.  Það er til þess að sá sem fær upplýsingar í hendurnar getur strax haft samband við einhvern sem er ábyrgur fyrir framhaldi á viðskiptunum.  Þá eru viðskiptin einnig strax orðin persónulegri, en það er mikilvægt í viðskiptum.

Ég sendi því tölvupóst og spurði við hvern ég ætti að tala við.  Ég fékk svar um hæl, sem var ekki staðlað, þar sem ég var kallaður Júlíus.  Hvað sgir það okkur um fagmennsku? 

Nú síðast var í fréttum að konur væru með bílastæði merktar sér í bílastæðahúsi Hörpunnar.  Umræðan varð til þess að Harpan gaf út tilkynningu um það að breyta ætti bílastæðunum í "fjölskyldustæði". 

Starfsmenn höfðu ekki hugmynd um það af hverju stæðin voru merkt konum til að byrja með.  Það virðist sem þeir hafi ekki haft hugmynd um af hverju stæðin voru merkt konum.  Þeir fara í vörn og breyta stæðunum.

Starfsmenn þurfa að vita af hverju boðið er upp á þessi stæði.  Fyrir mig, sem hefur búið og starfað erlendis vissi strax af hverju stæðin voru merkt konum og blaðamenn og aðrir hefðu strax fengið traustvekjandi svar og strax gefið í skyn að ekki stæði til að breyta þeim í "fjölskyldustæði".

Það er mikilvægt að svona stórt og dýrt hús hafi reynda starfsmenn sem vita hvað þeir eru að gera.  Það verður að vera krafa eigenda hússins.

Keflavíkurflugvöllur, nafnarugl á Suðurnesjum sem verður að lagfæra

Ég er að skrifa ritgerð um hótel á Suðurnesjum.  Það verður víst að vera ónafngreint eins og er.

Ég var að skrifa um Keflavík og áttaði mig svo á því að Keflavík er í raun og veru ekki til. 

Í dag heitir Keflavík Reykjanesbær.

En af hverju heitir Flugstöð Leifs Eiríkssonar þá enn Keflavíkurflugvöllur og með póstnúmerið 235 Reykjanesbær?

Eða á ensku, Keflavik International Airport? 

Fékk ekki flugstöðin nafnið Flugstöð Leifs Eiríkssonar?

Á spurningarlista sem ferðamenn fengu var spurt hvort þeir hefðu komið til Keflavíkur.  Hvernig geta ferðamenn vitað að þeir voru í Keflavík þegar bærinn heitir Reykjanesbær?

Samt spyrja ríkisstyrkt samtök að þvi hvort þau hafi komið til Keflavíkur.

Það sem Markaðsstofa Suðurnesja verður að gera er að samhæfa nöfnin á Suðurnesjum og fá fyrirtæki á svæðinu að nota eitt nafn á stöðum og svæðum.

Fyrsta skrefið í samhæfingu svæða er að koma sér saman um nöfn.  Þannig geta hin ýmsu fyrirtæki vísað í það nafn.

Er Keflavíurflugvöllur á landi Sandgerðis?  Eru hagsmunir Sandgerðis ekki að það komi fram?

Förum eftir lögum, reglum og stjórnarskrá

Dómur Landsdóms yfir Geir H. Haarde er áhugaverður.

Ég hlustaði á hann í beinni útsendingu frá Íslandi hér í Sviss.

Mér finnst dómurinn segja mér að það á að fara eftir lögum, reglum og stjórnarskránni.

Fyrirtæki eiga að fara eftir lögum og einstaklingar einnig.

Þó svo að önnur fyrirtæki hafi brotið lög merkir ekki að þú eigir einnig að brjóta þau.

Reglur Seðlabankans um gjaldeyrishöft gerðu ráð fyrir því að einstaklingar og fyrirtæki myndu brjóta reglurnar.

Núverandi lög Alþingis um gjaldeyrismál gera ráð fyrir því að lög séu brotin upp að ákveðnu marki.

Er eðlilegt að Seðlabanki Íslands og Alþingi geri ráð fyrir að ákveðinn hluti fyrirtækja og einstaklinga brjóti lögin?

Það þarf að breyta miklu á Íslandi.  Stjórnsýslan þarf að sýna fordæmi í þessum málum.