Náttúruverndarsamtök og ferðaiðnaðurinn eiga að starfa saman

Það er ekki gert ráð fyrir því í rammaáætluninni að byggja eigi upp ferðaiðnað á Reykjanesi.

Það er gert ráð fyrir því að stór hluti fari undir virkjanir.  Ég skil ekki alveg til hvers það þarf að byggja svona margar virkjanir.  Í hvað á allt rafmagnið eiginlega að fara, en það er önnur spurning og hefur ekkert með ferðaiðnaðinn að gera nema að því leiti að ferðaiðnaðurinn þarf rafmagn.

Það er mjög gott að mótmæla.  

Til þess að mótmæli nái fram að ganga væri ekki verra ef ferðaiðnaðurinn og náttúruverndarsamtökin myndu móta sameiginlega stefnu í náttúruvernd og ferðaiðnaði á svæðinu. 

Það er ýmislegt sem við ættum að hafa í huga þegar stór landsvæði eru nýtt í virkjanir:

1.  79,7% sögðu að íslensk náttúra væri ein af ástæðum þess að koma til Íslands
2.  46,6% ferðamanna ferðuðust til Reykjaness 
3.  Þegar ferðamenn voru beðnir um að nefna þá ferðamannastaði sem voru eftirminnilegastir (Þetta var opin spurning) nefndu þeir eftirfarandi:

1. Náttúran, útsýnið/ landslagið (16,6%)
2. Bláa lónið (7%)
3. Fjallagöngu/göngur/Fjallgöngu (5,2%)           (Ferðamálastofa 2012) 

Þrjár aðal ástæður þess að koma til Íslands eru að öllu leiti eða að hluta til á Reykjanesi.  Nú þarf að koma því til skila til yfirvalda.

Besta leiðin er að sýna möguleikana og hvernig þeir eru nýttir í dag og hvernig gert er ráð fyrir því að þeir verði nýttir í framtíðinni.

 

Heimildir:  

Ferðamálastofa. 2012. International Visitors in Iceland: Visitor Survey Summer 2011.

Reykjanesfólkvangi breytt í iðnaðarsvæði

Athugasemdir

[Númi (IP-tala skráð) 25.2.2012 kl. 10:10]

Athyglisverður og þarfur pistill hjá þér þú ágæti Stefán.

[Hallgrímur Hrafn Gíslason, 25.2.2012 kl. 11:38]

Ekki gleyma því Stebbi að bláa lónið er auka afurð raforkuvers.

Hefði ekki verið virkjað í Svartsengi væri ekkert blátt lón þarna.

Önnur aukaafurð er svo heitavatnið ykkar suðurnesjamanna.

[Stefán Júlíusson, 25.2.2012 kl. 12:24]

Númi, þakka þér fyrir. Loksins hef ég skrifað eitthvað sem þú sættir þig við. Það hefur tekið mig langan tíma.

Grímur, auðvitað eru virkjanir nauðsynlegar. Ég er alls ekki að tala á móti virkjunum. Mér finnst hins vegar mikilvægt að ræða það hvort að nausðynlegt er að virkja fyrir stóriðju.

Það þarf að ræða hvort að ekki sé nauðsynlegt að nota náttúruna eins og hún er í dag til þess að afla gjaleyristekna í framtíðinni.

Þess vegna finnst mér að náttúruverndarsamtök og ferðaiðnaðurinn starfi saman í að efla ferðaiðnaðinn með sem minnstum "náttúrupjöllum" og kostnaði.

Ísland er einstakt land. Það er ekkert land eins og Ísland. Það er styrkur. Öll lönd geta framleitt ál, þess vegna er það ekki styrkur.

[B. G. (IP-tala skráð) 26.2.2012 kl. 17:00]

Góður pistill og þarfur hjá þér Stefán.

Eru ekki álfyrirtækin á leið á hausinn? Það er offramboð af áli þessa stundina?

Ef við virkjum á Reykjanesi má e.t.v. búast við að  jarðskjálftar í Grindavík verði tíðir eins og raunin er nú í Hveragerði vegna Hellisheiðarvirkjunar. Á ekki að spyrja Grindvíkinga álits áður en farið er í virkjanagerð á svæðinu? Ég held að það sé góð hugmynd. Annars gæti fasteignaverð í Grindavík hrunið.

Ég er ekki í vafa um að það myndi borga sig að byggja upp ferðaþjónustu á svæðinu.

[Stefán Júlíusson, 26.2.2012 kl. 19:08]

Sæll B.G., þakka þér athugasemdina.

Álverð er víst á niðurleið. En það sem fer niður kemur aftur upp, eða er það öfugt? :)

Ég veit ekki hvort allt fer að skjálfa í Grindavík ef það verður farið út í virkjanir á svæðinu. Líklega hafa menn lært af Hellisheiðavirkjun.

Það þarf auðvitað að laga marga vegi á svæðinu svo að ferðamenn fái að njóta þess.

Heyrði að vegurinn að Keili væri ófær smábílum.