Af hverju borga ferðamenn fyrir það sem er ókeypis?

Ég skil ekki ferðamenn.

Þeir borga fyrir að sjá eitthvað sem er einskis virði.

Það hefur ekki verið framleitt af fyrirtækjum og engin verðmætasköpun orðið til. 

Samt eru þeir tilbúnir að borga fyrir það.

Vatn sem frussast úr jörðinni, vatn sem fellur einhverja metra, sjávarspendýr, hæðir og fjöll, svo eitthvað sé nefnt.

Í staðin fyrir að borga fyrir að horfa á hverasvæði er eins hægt að snúa gufustraujárni á hvolf og horfa á gufuna.

Íslensk náttúra og dýralíf er einstæð.  Útlendingar vita það og það kemur að því að við áttum okkur betur á því að óspillt náttúra er meira virði en "spillt" náttúra.

Geysir er notað í þýsku og er samheiti yfir goshveri. 

Ástæðan er sú að útlendingar komu til landsins fyrir mörgum og skrifuðu um það.  Þeir lýstu sérstakri náttúru.  Náttúru sem var ekki eins og í heimalandi þeirra.

Það er nefnilega skortur á íslenskri náttúru í heiminum vegna þess að hún fyrirfinnst aðeins á Íslandi.

Þess vegna getum við selt hana og það dýru verði.

22.000 farþegar skoðuðu norðurljósin

Athugasemdir

[Hjördís Vilhjálmsdóttir, 22.3.2012 kl. 09:27]

Kannski líkt og við Íslendingar borgum fyrir sólina á Spáni ?

[Stefán Júlíusson, 22.3.2012 kl. 09:33]

Akkúrat.  Góð ábending.

Franco ákvað að selja sólina.  Við sjáum það á Benidorm.  En svo sáu aðrar þjóðir sem hafa líka sól að þeir gátu einnig selt hana.

Þannig að sérstaða sólarinnar í ríki Francos hvarf og verðið lækkaði.

Þurfum við að hafa áhyggjur af því að önnur ríki eða svæði geti hermt eftir okkar sérstöðu?

[Einar (IP-tala skráð) 22.3.2012 kl. 09:56]

Það er nú til hellingur af goshverum í Yellowstone garðinum í Bandaríkjunum. Frægast er náttúrulega "Old faithful" og svo er "Steamboat" einhverstaðar í grendinni, sem er þekktast fyrir að gjósa hæsta gos sem mælst hefur.
Það sem gerir Geysir frægan er það að það er fyrsta goshver sem Evrópubúar heyra af. Þess vegna er orðið "Geysir" svona oft notað til að lýsa goshver í erlendum tungum, þar á meðal ensku ("Geyser")

Varðandi spurninguna um af hverju fólk borgar pening til að sjá ókeypis norðurljós, þá er svarið mjög einfalt. Við lifum við þau fríðindi að búa þar sem norðurljós eru dagleg brauð, en það er ekki fulltryggt að þú sjáir þau á hverjum degi. Norðurljós eru ekki staðbundin. Þau flökta um himininn og eru aldrei á sama stað. Svo þarf að hafa í huga ljósmengun frá tunglinu/Reykjavík/öðrum bæum og hvort veður leyfir okkur að sjá þau. En þar sem við búum hér, þurfum við ekki að hafa áhyggjur af því að missa af þeim, þar sem við getum einfaldlega beðið eftir því að þau komi til okkar og að veðuraðstæður séu hagstæðar. Ferðamenn hafa ekki sömu fríðindi. Oftast býr það fólk sem kemur hingað í löndum þar sem norðurljós sjást aldrei og það kostar mikinn pening fyrir það að koma alla leið hingað. Oft eru þau bara hér í 2-3 daga, hámark viku. Við svoleiðis aðstæður þarf það að hafa mikið fyrir því að leita upp hvar norðurljós eru að finna. Þess vegna er markaður fyrir ferðamannaþjónustur sem auglýsa norðurljósa ferðir.

[Stefán Júlíusson, 22.3.2012 kl. 10:04]

Þakka þér fyrir góða athugasemd.

Geysis nafnið veitir Íslandi ákveðna sérstöðu vegna nafnsins umfram aðra goshveri.  Hann er "original" í hugum margra.

Þú bendir einnig réttilega á ljósmengun. 

Kynnisferðir hringir út og fær ábendingar hvar norðuljósin er að finna.  Það væri auðvitað frábært ef þau væru staðbundin.

[Guðlaugur (IP-tala skráð) 22.3.2012 kl. 11:33]

Þeir borga fyrir að sjá eitthvað sem er einskis virði.

Þegar ferðamenn eru farnir að borga fyrir svona ferðir þá eru þær MIKILS virði fyrir ferðaþjóustufyrirtæki leiðsögumenn og þjóðarbúið í heild sinni. Þetta náttúrufyribrigði er mikils virði í hugum ferðamanna sem ekki búa við það að þessir hlutir sjáist á þeirra heimaslóðum. Rétt er að við kveikjum ekki á perunni til þess að þessi ljós sjáist og við sköpum þau ekki sjálf. En er virði þessara hluta ekki svolítið afstætt. Það hefur enginn framleitt fossinn, hverinn eða norðurljósin, en verðmætasköpunin felst í að sýna þessa hluti og segja frá því að þeir finnist hér á Íslandi. Gs.

[Marinó G. Njálsson, 22.3.2012 kl. 11:45]

Stefán, þú misskilur hlutina illilega.  Ferðamenn eru að greiða fyrir leiðsögn, rútuferð og síðan aukinn möguleika á að sjá norðurljósin.

Ég fer nokkurn veginn vikulega í eina ferð á vegum Kynnisferða með hóp í norðurljósaferð.  Aldrei hefur það gerst að best hafi verið að bíða í Reykjavík.  Finna þarf glufu í skýjahuluna, sem er mjög algeng, hvar best er að sjá ljósin, þ.e. hvað segir spáin um legu þeirra og síðan þarf þetta tvennt að fara saman.  Meiri líkur eru á glufu í skýjunum á Suðurnesjum, í Ölfusi, Þingvöllum og uppi á Mýrum, en á Reykjavíkursvæðinu.  Frá Reykjavík, þá skerðir Esjan auk þess útsýni í þá átt ef ljósin eru mjög norðanlega.  Loks er það ljósmengunin.

Næsta atriði sem ferðamenn fá er leiðsögn, þ.e. upplýsingar um norðurljósin sem hver leiðsögumaður klæðir í sinn búning.  Inn í þetta fléttast allt mögulegt annað og ekki síst að hafa aðgang að leiðsögumanni sem getur svarað alls konar spurningum.

Þriðja atriðið er að fá leiðbeiningar um hvernig best er að standa að myndatöku.  Nokkuð sem fáir hafa vit á.

Á staðnum þá er það hlutverk okkar leiðsögumannanna að spotta ljósin, ef þau eru dauf, því þannig byrja þau oft.  Að lesa í aðstæður.  Um daginn var ég búinn að sjá ljósin bakvið ský í örugglega 40 mínútur og gat því sagt við ferðamennina að ljósin myndu sjást um leið og rofaði til.  Ég vissi líka af legu yfir skýjahuluspá að það ætti að rofa til þar sem við vorum milli 22.30 og 23.00.  Allt gekk eftir.  Kl. 22.50 opnaðist gott gat og við horfðum á góð norðurljós í ca. 25 mínútur, en þá lokaðist gatið aftur.

Hvernig dettur þér í hug að Kynnisferðir hringi út til að fá ábendingar um hvar ljósin er að finna.  Við sem förum í þessar ferðir eru oft búin að liggja yfir vefsíðum með upplýsingum áður en mætt er á vaktina. Áður nefndi ég skýjahuluspá, en hún er líklegast mikilvægasta tækið okkar.  Þá eru það upplýsingar um styrkleika ljósanna, hve sunnanlega má búast við að sjá þau og hvort þau verði yfir höfuð sýnileg.  Sé hringt út, þá er það eingöngu til að fá staðfestingu á glufunni í skýin, ef spá hefur breyst á síðustu stundu.

[Stefán Júlíusson, 22.3.2012 kl. 12:32]

Marinó,  þakka þér fyrir en þú er líklega aðeins að misskilja bloggfærsluna mína. 

Eins og ég segi síðast í færslunni minni:

"Það er nefnilega skortur á íslenskri náttúru í heiminum vegna þess að hún fyrirfinnst aðeins á Íslandi."

"Þess vegna getum við selt hana og það dýru verði."

Talsmaður Kynnisferða segir sjálfur í viðtalinu:

"Þórarinn segir að það fari vissulega eftir veðri hvert farið sé, en þau fylgist vel með skýjahuluspá og „hringjum í kunningja og vini á bæjum á Suðurlandi, Mýrum og á Suðurnesjunum til að sjá hvert vit er að fara."

[Stefán Júlíusson, 22.3.2012 kl. 12:33]

Guðlaugur, alveg sammála þér.

[Stefán Júlíusson, 22.3.2012 kl. 12:43]

Marinó,  ég vil þakka þér fyrir að skýra út fyrir okkur hvað fararstjórar gera.

Góðir fararstjórar geta gert ferðalag mjög skemmtilegt, fræðandi og eftirminnilegt.

[Árni Gunnarsson, 22.3.2012 kl. 17:27]

Við erum víst fleiri en ég átti von á sem verður hált á því að beita kaldhæðni Stefán. Margir taka allt alvarlega og kaldhæðnin er oftar en ekki misskilin hræðilega.

[Stefán Júlíusson, 22.3.2012 kl. 21:29]

Já Árni, ég byrjaði í gríni og endaði í alvöru.

Var að benda á að sumir sjá ekkert sérstakt við náttúruna og hafið.

Svo var frétt í dag um að fuglaskoðarar sem koma til landsins að skoða fugla.

Hvað ætli margir hafi hugsað að þetta hljóti að vera fuglar að fara á ættarmót?

Fuglar, sem mörgum finnst alls ekki áhugaverðir, eru það áhugaverðir að útlendingar koma hingað í sérstaka ferð að skoða þá.

[Númi (IP-tala skráð) 22.3.2012 kl. 23:20]

Já Stefán það er alveg rétt hjá þér ÍSLENSK náttúra er einstök,en skyldu vinir þínir í Brussel vita af því?þeim er alveg sama er ég viss um.

Fínir pistlar hjá þér um ferðamál og náttúru, hafðu þakkir .

Þú nefnir þarna fuglaskoðun,en Númi er mikill fuglaáhugamaður og á ýmsum ferðum mínum um landið að þá hef ég rekist á fjölda útlendinga sem koma oft til Íslands og er fuglaáhugi ofarlega hjá þeim hérlendis.

Í dagblöðin með þessa pistla þína takk fyrir.

Áfram sjálfstætt ÍSLAND.

[Stefán Júlíusson, 23.3.2012 kl. 08:23]

Sæll Númi,

ég hef heyrt að erlendir fuglaskoðarar fari til Sandgerðis að skoða fugla.  Það finnst mér ansi áhugavert að heyra.

Vinir mínir í Brussel eru alveg æfir yfir því að ég skrifa ekkert um ESB.

Ég ætla ekki að hafa þetta pólitískt blogg.

En eitt vil ég segja og það er að það gæti grafið undan sérstöðu íslensks ferðaiðnaðar ef ferðamannastaðir og annað er merkt að það er styrkt af ESB og ESB fánanum flaggað.

Þá setjum við ferðamannastaði á sama "stall" og aðrir ferðamannastaðir í ESB og ég tel það ekki endilega æskilegt.

En það gæti einnig verið styrkur, en það þarf einfaldlega að ræða innan fagsamtaka.

Að þessu leiti gætum við verið sammála hvað ESB varðar.

[Númi (IP-tala skráð) 23.3.2012 kl. 08:45]

Stefán þetta heitir ekki   styrkir  þetta eru mútur frá  ESB.  Fáni ESB táknar helsi en ekki frelsi.

[Stefán Júlíusson, 23.3.2012 kl. 08:53]

Númi, ég er sammála þér í að þetta heitir ekki styrkur því þá væri orðið styrkur skrifað með stórum staf.

[Númi (IP-tala skráð) 23.3.2012 kl. 09:05]

Eru þessar ágætu greinar þínar um náttúru og ferðamál,skrifuð undir fölskum formerkjum hjá þér Stefán.?

Mun síðasta greinin hjá þér í þessum pistlaflokki þínum enda á þeim orðum að við eigum að þakka ESB fyrir fjölgun ferðamanna á Íslandi.?

Stefán færð þú    Styrk    frá ESB til þessara ágætu ritsmíða þinna.?                    

Enn og aftur fáni ESB er tákn um helsi en ekki frelsi.

[Stefán Júlíusson, 23.3.2012 kl. 09:11]

Númi, Ísland bíður upp á mörg tækifæri á mörgum sviðum.

Vandamál okkar á Íslandi er að við viljum alltaf fá að fljóta með straumnum og hermum eftir öðrum án þess að vita hvert það leiðir okkur. 

Okkur finnst gott þegar aðrir segja okkur hvað við erum frábær án þess þó að greina nánar hvað átt er við.

Hvort sem Ísland gengur í ESB eða ekki, þá skiptir það máli fyrir Ísland og íbúa landsins að vita hver þeirra sérstaða er og byggja á henni.

En umræðan um sérstöðu landsins hefur ekki farið fram að mínu mati.

Það er ekki nóg að berjast fyrir áframhaldandi "sjálfstæði" án þess að vita hvert á að stefna í framtíðinni.

En það er heldur ekki sérlega góð hugmynd að ganga í ESB án þess að vita hver sérstaða landsins er.

Báðir hópar þurfa að sína okkur hvert við viljum stefna í framtíðinni.

Hvort sem við göngum í ESB eða ekki, þá þurfum við að hafa sjálfstraust og þekkingu á eigin getu, þar á meðal takmörkunum.

Númi, þú færð sérstakar þakkir fyrir að stuða okkur, stuðningsmenn ESB.

[Stefán Júlíusson, 23.3.2012 kl. 09:13]

Númi, nei.  Ég ætla ekki að skrifa um ESB.

Ég vil skrifa um ferðaiðnaðinn.  Styrkleika og veikleika.  Tækifæri og hættur.

[Númi (IP-tala skráð) 23.3.2012 kl. 09:31]

Mikill léttir að lesa það að þú ætlir að sleppa okkur við Brusselóþverran.

Ein forvitnileg spurning til þín Stefán,ertu að mennta þig í ferðamálum.?

Það er einmitt sérstaða okkar sem sannar það,að við eigum ekki að innlima okkur inní bandalag Brusselbandítana. 

Okkar kynslóð hefir enga heimild gagnvart komandi kynslóðum að afsala okkur fullveldi voru.  ÍSLANDI  ALLT

[Stefán Júlíusson, 23.3.2012 kl. 09:45]

Númi, já ég er að mennta mig og útskrifast núna í vor.

Ef þú ert með starf handa mér, láttu mig þá endilega vita.

Góða helgi og njóttu góða veðursins um helgina.