Er alltaf gott að kaupa vel rekið fyrirtæki?

Ég er ekki hissa á því að aðilar vilja kaupa vel rekin fyrirtæki.

Það er í eðli okkar að vilja taka við einhverju sem er vel rekið. 

Við teljum meiri líkur en minni á því að við getum haldið áfram góðum rekstri því hann var svo góður.

Í rekstri er alltaf mikilvægt að standa ekki í stað og reka fyrirtæki eins og það var alltaf rekið.

Þess vegna er ég á þeirri skoðun að betra væri að kaupa illa rekið fyrirtæki því það er hægt að kaupa það á betra verði.  Það er einnig áskorun.

Þú getur þá breytt öllu og látið þínar hugmyndir ráða algerlega ferðinni.  Látið ljós þitt skína.

PS.  Hvað eru til margir þættir af Kitchen Nightmares þar sem einstaklingar hafa keypt "vel rekið" fyrirtæki og engu breytt því allt var svo frábært?

Margir vilja eignast gisti- og veitingahús í miðbænum

Athugasemdir

[Guðjón Sigþór Jensson, 20.3.2012 kl. 08:15]

Vel rekið fyrirtæki er ætíð verðmeira en illa rekið þar sem ýmsu er áfátt. Þar er væntanlega bókhald í góðu lagi og gefur því væntanlegum kaupanda betra yfirsýn um stöðu mála en fyrirtækis þar sem dæmigert „rassvasabókhald“ hefur verið stundað. Þar er allt meira og minna í óreiðu. Viðskiptatækifærin í þannig fyrirtækjum er kannski fólgin í hugsanlegu aðlögunarferli annars fyrirtækis sem er betur rekið.

Stefán: mig langar til að forvitnast aðeins: þú segist skrifa um „ferðaiðnaðinn“. Áttu ekki við þá atvinnugrein sem réttilega hefur verið nefnd ferðaþjónusta? Sennilega ertu með enska orðið „touristindustry“ í huga en „industry“ hefur fleiri merkingar en einungis iðnaður. Þannig er „ferðaiðnaður“ réttilega nefndur yfir þá starfsemi sem fólgin er að framleiða eitthvað í þágu ferðamanna, minjagripir (því miður allt of lítið framleitt hérlendis), peysur, treflar, húfur, vettlingar og þ.h. úr lopa og ull, pulsugerð og þar fram eftir götunum. En þjónusta við ferðafólk verður því eðlilega nefnd ferðaþjónusta fremur en iðnaður.

Þegar ferðaþjónustan var í bernsku komu ýmsar tillögur um hvað þessi starfsemi væri réttilega nefnd. „Ferðaútvegur“ var meðal hugmynda en „ferðaþjónusta“ varð ofan á. Sennilega er hrá þýðing á „touristindustry“ sem enn er verið að þýða sem ferðaiðnað að enn að flækjast fyrir okkur.

Mér finnst rétt að við gerum mun á þjónustu og framleiðslu.

Góðar stundir!

[Stefán Júlíusson, 20.3.2012 kl. 08:21]

Sæll Guðjón,  ferðaiðnaður er nýja orðið yfir ferðaþjónustu eða er að riðja sér rúms. 

[Stefán Júlíusson, 20.3.2012 kl. 09:54]

Guðjón, ég var á hraðferð áðan en vildi útskýra orðavalið áður en ég fór af "skriftstofunni".

Ég er að skrifa þetta út frá kaupandanum.  Auðvitað er vel rekið fyrirtæki meira virði, en hve mikið af kaupverðinu er "goodwill"?

Þess vegna getur oft verið betra ef þú kaupir illa rekið fyrirtæki. 

Sumir loka augunum þegar þeir kaupa vel rekin fyrirtæki,  þau sjá ekki tækifæri og styrkleika fyrirtækisins því þau hafa ekki þurft að greina stöðu fyrirtækisins.  Halda að fyrirtæki lifi aðeins á "goodwilli".

Og fyrirtækið er ekki lengur svo frábært eins og það var þegar kaupin áttu sér stað.

Svona í stuttu máli.

[Guðjón Sigþór Jensson, 21.3.2012 kl. 18:32]

„Ferðaiðnaður“ er gamalt orðskrípi sem á ekki að sjást nema sé átt við framleiðslu. Birna G. Bjarnleifsdóttir sem mjög lengi veitti Leiðsöguskóla Íslands forstöðu bað okkur nemendur sína að nota ekki þetta orð þar sem ferðaþjónusta er heppilegra og lýsir betur því sem þessi starfsemi er.

Endilega lestu gaumgæfilega aftur það sem eg ritaði hér að ofan: Sennilega ertu með enska orðið „touristindustry“ í huga en „industry“ hefur fleiri merkingar en einungis iðnaður. Þannig er „ferðaiðnaður“ réttilega nefndur yfir þá starfsemi sem fólgin er að framleiða eitthvað í þágu ferðamanna, minjagripir (því miður allt of lítið framleitt hérlendis), peysur, treflar, húfur, vettlingar og þ.h. úr lopa og ull, pulsugerð og þar fram eftir götunum. En þjónusta við ferðafólk verður því eðlilega nefnd ferðaþjónusta fremur en iðnaður.

Ferðaiðnaður er og verður í samræmi við framangreind sjónarmið tengdur framleiðslu en ekki þjónustu. 

Vinsamlegast!

[Stefán Júlíusson, 21.3.2012 kl. 20:07]

Guðjón, ég ætla ekki að vera að deila við þig.

Þú bendir réttilega á að þjónusta er ekki það eina sem ferðamenn þurfa á að halda á ferðalagi sínu.

Þjónusta tekur ekki með öll þau framleiðslufyrirtæki sem ekki þjónusta ferðamenn.

Iðnaður(Industry) sameinar framleiðslu (production) og þjónustu (service).

Við þurftum ekki að vera sammála í þessu máli og við þurfum ekki að reyna að sannfæra hvorn annan.

[Guðjón Sigþór Jensson, 21.3.2012 kl. 20:35]

Séu orðabókum flett upp þá kemur í ljós að orðið industry hefur fleira en eina merkingu. Þetta orð nota Englendingar einnig um það fyrirbæri sem við nefnum atvinnugreinar eða starfsemi (branche). Við verðum því að forðast að stökkva einungis á eina þýðingu þessa orðs eins og einhver hefur gert áður í árdaga ferðaþjónustu.

Góðar stundir!