Nú lenti ég í því. Allt lokað!

Var samviskusamur og var að vinna og læra í allan dag.

Ég var á ferðinni til Chur seinni partinn og ákvað að versla fyrir alla páskahelgina í kvöld, þ.e. fyrir átta.

En svo þegar ég mætti í miðbæinn var allt lokað og var búið að vera lokað frá því klukkan 17 eða 18.

Svona er Sviss.

Sviss hefur mikla sérstöðu hvað ferðaiðnaðinn varðar eða það teljum við að minnsta kosti.

Í dag er svissneski ferðaiðnaðurinn í mikilli vörn.  Það eru miklar deilur um það í hvaða átt á að stefna.  Það hefur að einhverju leiti með það að gera að norðursvæðin græða meira en svæðin sem græða á gestum sem gista til lengri tíma.

Graubünden er í vörn.  Þar er allt saman lokað þessa helgi nema á laugardag og verslanir opna ekki fyrr en á þriðjudag.

Sumir telja sérstöðuna vera íhaldsama Sviss, þ.e. allt lokað eins og hefur alltaf verið.

Sumir vilja breyta sérstöðunni og hafa opið á meðan að ferðamenn eru á svæðinu.

Það er áhugavert að fylgjast með umræðunni og enn áhugaverðara verður þegar, eftir nokkur ár, kemur í ljós hver rétta leiðin var.

Það er þannig með allt að enginn getur séð í dag hvað er best á morgun.

Ég sjálfur tel best að hafa opið,  ferðamenn vilja hafa opið á ferðum sínum í dag.  Þeir eru í fríi og vilja njóta alls þess sem svæðið hefur upp á að bjóða.

Það vil ég að minnsta kosti, en hvað finnst þér?  Opið eða lokað?  Hver á sérstaðan að vera í þessu máli?

Athugasemdir

[Axel Jóhann Hallgrímsson, 5.4.2012 kl. 23:14]

Það er stutt síðan þetta var svona hérna. Gestir voru nánast fyrir á hótelum, þegar megnið af starfsfólkinu lá heima á meltunni, allir veitingastaðir lokaðir og skemmtanahald bannað. Það eina sem mátti á páskum hér áður fyrr var að láta sér leiðast. En þetta hefur gerbreyst á síðustu árum og mátti það líka.

[Stefán Júlíusson, 5.4.2012 kl. 23:16]

Axel, væri það ekki flott ef messi Gnúpsins væri matsölustaður og lestin dansistaður? 

[Stefán Júlíusson, 5.4.2012 kl. 23:22]

Annars mæli ég með Kantinum í Grindavík!!  Flottur staður og flott fólk!!