Sérstaða í heimabyggð

Þetta er alveg frábært framtak og stór sniðugt að hefja bjórframleiðslu á Ísafirði.

Margir sem ferðast um landið vilja prófa eitthvað sem búið er til í nágreninu.

Margir ferðamenn sem kaupa sér bjór spyrja hver bjór staðarins er og kaupa þá hann.

Þarna myndast ákveðin sérstaða fyrir vestfirði þó svo að bjórinn einn og sér geri það ekki.

Þegar ég fór á ættarmót til Húsavíkur í fyrra þá heyrði ég marga ferðamenn spyrja hvaða íslenska bjór væri boðið upp á.  Ferðamenn spyrja hvaða bjór er boðið uppá á ferðum sínum um landið. 

Þetta gerum við sjálf erlendis, ef Carlsberg er ekki seldur á staðnum.

Nú er ekki lengur aðeins hægt að bjóða ferðamönnum á Ísafirði upp á Gull og Víking, heldur Ísafjarðarbjór.

Frábært framtak sem hægt er að búa til flotta sérstöðu í sambland við annað á svæðinu.

Í Berlín drekka menn Berliner Pilsener:

Vilja brugga ísfirskan bjór

Af hverju borga ferðamenn fyrir það sem er ókeypis?

Ég skil ekki ferðamenn.

Þeir borga fyrir að sjá eitthvað sem er einskis virði.

Það hefur ekki verið framleitt af fyrirtækjum og engin verðmætasköpun orðið til. 

Samt eru þeir tilbúnir að borga fyrir það.

Vatn sem frussast úr jörðinni, vatn sem fellur einhverja metra, sjávarspendýr, hæðir og fjöll, svo eitthvað sé nefnt.

Í staðin fyrir að borga fyrir að horfa á hverasvæði er eins hægt að snúa gufustraujárni á hvolf og horfa á gufuna.

Íslensk náttúra og dýralíf er einstæð.  Útlendingar vita það og það kemur að því að við áttum okkur betur á því að óspillt náttúra er meira virði en "spillt" náttúra.

Geysir er notað í þýsku og er samheiti yfir goshveri. 

Ástæðan er sú að útlendingar komu til landsins fyrir mörgum og skrifuðu um það.  Þeir lýstu sérstakri náttúru.  Náttúru sem var ekki eins og í heimalandi þeirra.

Það er nefnilega skortur á íslenskri náttúru í heiminum vegna þess að hún fyrirfinnst aðeins á Íslandi.

Þess vegna getum við selt hana og það dýru verði.

22.000 farþegar skoðuðu norðurljósin

Fjárfestingatækifæri, erlendir aðilar fá 25% afslátt

Það hefur mikið verið fjallað um gjaldeyrishöftin upp á síðkastið.

Í gjaldeyrishöftunum leynast mjög góð tækifæri til þess að fjárfesta hér á landi.

erlendur aðili fær u.þ.b. 25% afslátt hef hann kemur með lánsfé eða tekur beint þátt í fjárfestingu.

Þá skiptir engu hvort um nýfjárfestingu eða um kaup á fyrirtæki er um að ræða.

Eins og kom fram í fréttum í gær fá erlendir eigendur góðan afslátt með að kaupa Vörð að fullu. 

Áður hafa fyrirtæki eins og HS Orka verið keypt með svo kölluðum aflandskrónum.  Magma Energy græddi vel á því eins og fram kom í ársreikningum fyrirtækisins.

Ég veit ekki hvort að Húsasmiðjan hafi verið keypt með aflandskrónum en það hefur ekki komið fram en ég reikna með því, annað væru stór mistök af hálfu fjárfestanna erlendu.

Eins og fram kemur í frétt mbl.is um Vörð: 

"Fastlega sé gert ráð fyrir að hluturinn verði keyptur á 1.370-1.520 milljónir króna."

"Gerir BankNordik ráð fyrir að nýta sér að Seðlabanki Íslands býður útlendum fjárfestum, sem ætla að fjárfesta á Íslandi, afslátt á kjörum og því verði kaupverðið væntanlega 51-56 milljónir danskra króna. "

"það svarar til 1.146-1.259 milljóna íslenskra króna miðað við gengi dagsins í dag."

Það er því verið að veita u.þ.b. 250 milljón króna afslátt af kaupunum.

Einnig er í fréttum í dag að Kaldbakur, sem er í eigu samherja, er að selja skuldabréf fyrir 10 milljarða til erlends fjárfestis.  Þau kosta því erlenda fjárfestinn því aðeins um 7,5 milljarða króna ef fjárfestirinn fer leið sem Seðlabanki Íslands býður upp á.  Þannig getur erlendi fjárfestirinn strax bókað hagnað um 2,5 milljarða króna.

Hérna eru mikil tækifæri.

Ef þú getur fundið erlendan viðskiptafélaga eða banka, þá getur þú einnig sparað nokkrar milljónir eða nokkur hundruð milljónir.

Þeir sem gera þetta ekki, geta átt hættu á því að sitja eftir í samkeppninni. 

Þarna er nefnilega verið að veita frábæran möguleika á því að veita fyrirtækjum langtíma markaðsforskot, með því t.d. að lækka vöruverð og undirbjóða þannig samkeppnisaðila sem fyrir eru á markaðnum.

Ég mæli eindregið með því að þú farir að leita að lánsfé erlendis eða fjárfestingafélga.

Ef þú gerir þetta ekki, þá gerir þetta einhver annar.  Þessi annar, gæti verið í samkeppni við þig.

Hægt að afnema höftin á 3 mánuðum

Tækifæri, íslenskur bitter

Hvernig væri ef íslenskir aðilar myndu sjá tækifæri í því að framleiða bitter ofan í alla þessa ferðamenn sem koma til landsins. 

Hann gæti t.d. fengið nafnið Ice-bitter eða Ís-bitter.

Ég hef komist á bragðið með að drekka áfengislausan bitter.  Hann heitir Sanbitter og er framleiddur af Sanpellegrino. 

Þarna sé ég tækifæri á Íslandi.

Frábært framtak og örlítið um öfgamenn

Þetta er mjög gott framtak hjá Alþingi.  Áhugavert að sjá að bæði stjórn og stjórnarandstaða unnu að þessu máli.

En um hvað snýst þetta allt saman hjá þeim og eykur þetta ekki bara kostnað og útgjöld að óþörfu?

Nei, þetta getur lækkað útgjöld til lengri tíma litið.  Það er gott mál.

Grænt hagkerfi er framtíðin.

Það sem hefur vantað mikið uppá er að þjóðin fái betur að kynnast því hvað grænt hagkerfi er og hvað sjálbærni og sjálfbær þróun er.

Það er ekki langt síðan að Vakinn kynnti umhverfisvottun fyrir ferðaiðnaðinn.  Ég tel rétt að sem flest fyrirtæki taki þátt í því verkefni og ég hvet önnur fyrirtæki að athuga hvaða vottun er í boði fyrir þau.  Hægt er að skoða það á vefsíðu Umhverfisstofnunar.

Síðust daga hafa einstaklingar og hópar verið kallaðir öfgamenn.  Það er auðvitað ekki hægt að taka þátt í umræðu þar sem menn eru sakaðir um öfgamennsku.

Það er enginn öfgamaður að vilja vernda náttúruna.  Það er enginn öfgamaður að vilja veiða hval.  Það er enginn öfgamaður að vilja virkja.  Þetta eru mismunandi skoðanir og sumir eru með ákveðnari skoðanir en aðrir.

Ef við ræðum saman, þá komumst við að niðurstöðu.  Ég er 2svar sinnum búinn að blogga um ummæli Rannveigar Rist og ætla ekki að gera það aftur.  En fáir hafa áhuga á því sem hún segir því ummælin sameina að einhverju leyti þá sem vilja iðnað og þá sem vilja vernda náttúruna.

Nú verður áhugavert að fylgjast með framhaldinu hjá Alþingi og þjóðinni.

Græna hagkerfið verði eflt

Er alltaf gott að kaupa vel rekið fyrirtæki?

Ég er ekki hissa á því að aðilar vilja kaupa vel rekin fyrirtæki.

Það er í eðli okkar að vilja taka við einhverju sem er vel rekið. 

Við teljum meiri líkur en minni á því að við getum haldið áfram góðum rekstri því hann var svo góður.

Í rekstri er alltaf mikilvægt að standa ekki í stað og reka fyrirtæki eins og það var alltaf rekið.

Þess vegna er ég á þeirri skoðun að betra væri að kaupa illa rekið fyrirtæki því það er hægt að kaupa það á betra verði.  Það er einnig áskorun.

Þú getur þá breytt öllu og látið þínar hugmyndir ráða algerlega ferðinni.  Látið ljós þitt skína.

PS.  Hvað eru til margir þættir af Kitchen Nightmares þar sem einstaklingar hafa keypt "vel rekið" fyrirtæki og engu breytt því allt var svo frábært?

Margir vilja eignast gisti- og veitingahús í miðbænum

Hvað segir Rannveig Rist?

Ef við skoðum fréttir frá síðustu viku á mbl.is og viðtal við Rannveigu Rist.

Þá kemur eftirfarandi fram;

"Benti hún á að tillaga iðnaðar- og umhverfisráðherra um flokkun virkjanakosta fæli í sér verndun á yfir helmingi virkjanakosta."

"Aftur á móti væri þar boðað grænt ljós á undirbúning umtalsverðrar orkuöflunar, eða sem nemur um 13 teravattstundum. Sú orka myndi duga fjórum Straumsvíkurálverum og að auki til 20-földunar ylræktar."

Þarf að fara í fleiri virknaframkvæmdir en þetta? 

Síðasta setning í greininni er eftirfarandi;

"Loks sagðist Rannveig sannfærð um að iðnfyrirtæki landsins yrðu í fararbroddi nýrrar sóknar á Íslandi."

Þingmenn forðist gífuryrði

Umhverfisvernd og pólitik

Umhverfisvernd virðist vera mjög pólitískt mál á Íslandi.

Vinstrimenn vilja varðveita náttúruna og hægri menn vilja nýta náttúruna.

En stenst þessi fullyrðing?  Vilja ekki allir nýta náttúruna? 

Spurningin er hvort við viljum nýta náttúruna með sem minnstri eyðileggingu og skemmdum.

Mér finnst mjög áhugavert að fylgjast með umræðunni á Íslandi.

Mér finnst hún vera rúmum 30 árum á eftir mörgum þjóðum í Evrópu eins og t.d. Þýskalandi.

Hægri menn hugsa ekki minna um náttúruna en vinstri menn.

Meirihluti þýsku þjóðarinnar hefur það viðhorf í dag að sjálfbær þróun er mikilvæg.

Í sjálfbærri þróun er hugsað um hagnað, samfélagið og náttúruna.

Hagnaður á að byggja á samfélagslegri ábyrgð og valda sem minnstum spjöllum eða engum á náttúrunni.

Mörg fyrirtæki, smá og stór, erlendis starfa með þetta að leiðarljósi.  Íslensk fyrirtæki geta misst markaðsforskot ef þau fara ekki að átta sig á þessu.

Tökum náttúruvernd út úr pólitík og sameinumst um sjálfbæra þróun.

Áhugaverðar fagbækur

Ég bætti við tengla, lista yfir áhugaverðar bækur.

Þetta eru fagbækur sem ég mæli með að þú lesir.

Competitive Strategy og Competitive Advantage eru komnar nokkuð til ára sinna en þær eru alveg frábærar til þess að skilja samkeppni og hvernig hún virkar.  Hún skýrir fyrir okkur leiðir sem hægt er að fara í samkeppni til þess að öðlast markaðsforskot.  Höfundur bókanna er Michael E. Porter

Managing ef Henry Mintzberg er nýleg, gefin út árið 2009.  Hún fjallar um stjórnun, ákvarðanatöku og hvernig hægt er að nýta hæfileika starfmanna og fleira.  Þetta er mjög áhugaverð bók.

Destination Branding er samansafn greina valinkunna manna um hvernig "samfélög" markaðssetja sig, viljandi og óviljandi. 

How to brand nations, cities and destinations er skrifuð af Finnum. Þess vegna er áhugavert að lesa bókina.  Hún skýrir út mikilvægi þess að samfélög stundi sameiginlega markaðssetningu og samvinnu til þess að öðlast markaðsforskot.

Sustainability in the hospitality industry fjallar um sjálfbæra þróun og hvernig fyrirtæki geta stundað rekstur með sjálfbæra þróun í huga.  Það er mjög auðvelt að lesa bókina og hún er full af einföldum leiðum fyrir fyrirtæki að spara útgjöld og stunda sjálfbæra þróun í leiðinni. 

The Step-by-Step Guide to Sustainability Planning leiðbeinir fyrirtækjum hvernig hægt er að innleiða sjálfbæra þróun í rekstri fyrirtækisins.

Ég mæli sérstaklega með Michael E. Porter fyrir alla Íslendinga.  Hún fjallar mikið um það hvernig hægt er að skapa sér sérstöðu, þ.e. keppa að bjóða sem lægsta verðið eða skapa sér sérstöðu.  Á Ísland að framleiða no-name iðnaðarvörur og brenna innflutt rusl eða skapa sér sérstöðu í ferðamálum og iðnaði sem byggir á sjálfbærri þróun?

Matvælatengd ferðaþjónusta í boði Katla Travel og Flugfélags Íslands

Flugfélag Íslands er að bjóða upp á mjög áhugaverða ferð til Akureyrar á heimasíðu sinni sem hefur heitið "Local Food and Gourmet og stendur yfir í 7 daga.

Ferðin er skipulögð af Katla-Travel og Flugfélagi Íslands.

Í ferðinni eru matvælaframleiðendur, bændur, útvegsmenn og bruggversksmiðjur heimsóttar og er ferðamönnunum boðið að prófa afurðirnar, "sample as you go".

Í ferðinni er ferðamönnum einnig boðið upp á að tína bláskel sem er svo elduð fyrir ferðamennina.

Mér finnst þetta mjög áhugaverð ferð. 

Í dag hafa fyrirtæki meiri skilning en áður á því að ferðamenn vilja ekki aðeins sjá eitthvað heldur vilja þeir einnig fræðast og læra eitthvað.  Það eykur jákvæð viðbrögð og ferðamenn gleyma síður ferðalaginu.

Áfram svona.