Getur ferðaiðnaður haft tekjur af haustlaufi?

Er hægt að byggja upp ferðaiðnað á því að bjóða ferðamönnum upp á að skoða haustlaufin á trjánum?

Myndir þú fara í sér ferðalag, keyra í nokkra klukkutíma eða fljúga, aðeins til þess að skoða gulnuð lauf?

Þegar við hugsum um ferðaiðnað kemur oft í huga okkar stöðluð ímynd.  Við teljum okkur alltaf vita hvað selur og hvað ekki.

Það hefur komið mikið fram í umræðunni um Nubo og Grímsstaði.  Margir fullyrða að hann geti ekki byggt upp ferðaþjónustu á svæðinu því þar er ekkert sem hægt er að selja ferðamönnum.

Þetta er stór fullyrðing en byggir á reynslu þess sem þetta fullyrðir.

En aftur að laufunum.

Mörg hótel og gististaðir í Bandaríkjunum er full af ferðamönnum sem koma aðeins í þeim tilgangi að skoða lauf. 

Gulnuð lauf eru tekjulind í ferðaþjónustu.  Tauck Tours er ein þeirra ferðaskrifstofa sem býður sérstakar ferðir til að skoða laufin.

Opnum hugann og finnum tækifæri.

Ég fékk einu sinni símhringingu þegar ég starfaði í Bandaríkjunum og varð spurður hvernig laufin væru.  Ég hef sjaldan orðið eins hissa á ævinni.  Ég horfði ekki út fyrir kassann þá.

Hér er myndband af gulnuðum laufum á Nýja-Englandi.

Athugasemdir

[Hjördís Vilhjálmsdóttir, 11.3.2012 kl. 16:09]

Sjálf elska ég haustlitina ;) En það kemur mér á óvart að ferðamenn fylli hótel í USA í þeim tilgangi að skoða laufin...varla eru það Bandaríkjamenn ? Það er nóg fyrir þá svo marga og evt alla, að fara bara út fyrir hús sitt, þar er svo mikið af trjám um allt.

En hvað Ísland varðar..það eru svo fá lauf hér  í samanburðinum. Kannski að náttúrufræðingar gætu svarað því hvaða sérstöðu við værum með ef einhver og svo að þessari spurningu sé komið að þegar ferðamenn eru spurðir skoðunar á landinu okkar og náttúru. En um að gera ef þetta gæti gengið !

Annars tel ég að tímabært sé að Icelandair ofl.markaðssetji sérstaklega og ,,selji " kuldann okkar, hreina og ferska loftið og auglýsi þá í útlöndum þegar hitabylgjur eru að kæfa fólk: " Cool off in Iceland".  Passa bara að segja frá um leið að hýbýli okkar séu vel upphituð, svo fólk óttist ekki að skjálfa úr kulda á nóttunni eins og margir eru vanir að þurfa að gera í útlöndum.

[Stefán Júlíusson, 11.3.2012 kl. 16:38]

Takk fyrir athugasemdina.  Ég er sammála þér í því að haustlitirnir eru fallegir.

Á því hóteli sem ég vann á og þekki til, þá voru þetta aðallega ferðamenn frá New York borg og nágreni.  Svo komu ferðamannahópar frá Tauck Tours og það voru ferðamenn frá öllum heimshornum.

Það er sem betur fer verið að selja veturinn á Íslandi í dag.  Þar eru ótal tækifæri ónýtt og það verður áhugavert að fylgjast með.

[Hjördís Vilhjálmsdóttir, 14.3.2012 kl. 14:57]

Takk fyrir svar þitt ;) Alltaf lærir maður meira. Hef komið til NY borgar og víða í fylkið  og þykir ég sjá helling af trjám allsstaðar. En auðvitað vilja borgarbúar sjá trén í sínu náttúrulega umhverfi og þar sem meira er af þeim en í borginni. Og að auki velur borgin eflaust trjátegndir sem fella engin eða fá lauf.

Ég var nú mest að meina kalda , svala sumarloftið okkar sem ég tel að ætti að markaðssetja sérstaklega og ,,selja". Hvernig er veturinn okkar ,,seldur" ? Því miður ekki létt að fá hingað skíðafólk. En við höfum Norðurljósin, en hvað meira er verið að nýta sérstaklega með veturinn okkar ? Er stílað inná lönd sem eru með kæfandi hita hjá sér þegar vetur konungur er við völd hjá okkur ?  Hef heyrt margar útlendinga tala um að þeir haldi að hér sé kallt innanhúss, eins og hjá þeim sjálfum. Tel þessvegna að það vanti alveg að það sé vel upplýst hversu hlítt er hér hjá okkur, innandyra. Vona að það verði gert.

[Stefán Júlíusson, 14.3.2012 kl. 20:33]

Sæl Hjördís, 

Áður var aðeins sumarið selt.  Nú er verið að auglýsa veturinn, þ.e. að það er eitthvað að gera og sjá á veturna. 

Ég var að leyta að auglýsingum, en nú er búið að breyta því sem ég þekki yfir á "sumarið" þannig að ég fann ekkert.

Þessar auglýsingar eru auðvitað ekki á Íslandi heldur erlendis.

Það er ennig þannig að "veturinn" er einnig kynntur fyrir söluaðilum.  Það er ekki þannig að öll kynning sé aðeins í gegnum sjónvarp eða útvarp. 

Ég hef ekki heyrt að útlendingar haldi að það sé kalt á Íslandi.  Ég heyri útlendinga oftast minnast á hversu flott það er hvernig við kyndum með heitu vatni beint úr jörðinni úr borholu við hliðina á húsinu.

[Stefán Júlíusson, 17.3.2012 kl. 12:40]

Hjördís,  ég fann upplýsingar hjá Katla Travel í Þýskalandi um ferðamennsku að vetri til.