Neikvæðni í hagvexti

Mér finnst það ansi áhugavert að menn eru svartsýnir.

Það er mikill hagvöxtur á Íslandi í dag og virðist Ísland vera komið upp úr kreppunni.

Auðvitað eru enn gjaldeyrishöft og get ég skilið vel að þau ein geri menn neikvæða.

Þegar ég les svona, þá hugsa ég stundum um það hvort menn tali stöðuna svarta þó svo að hún sé jákvæð.

Auðvitað er frumvarp um ný sjávarútvegslög ekki til þess fallin að gera menn jákvæða í greininni.

Líklega þarf ekki heldur að byggja eins mikið og fyrir hrunið 2008 en var þá ekki byggt of mikið, eða hvað?

Ég man að fyrstu árin mín var sífellt talað um það að aldrei hefði verið byggt minna og allt væri á niðurleið.  Samt hef ég aldrei séð eins marga byggingakrana á ævinni eins og á þessum tíma.

Það getur verið að allt saman sé svart, en við hvað erum við að miða?

Stjórnendur benda á dökkar horfur

Hvað er hægt að gera?

Það er ekki gaman að bíða svona lengi í Boston.

Boston er auðvitað frábær borg og gaman að vera þar í nokkra daga þegar það er áætlað.

það er ekki gaman að bíða eftir flugfari til Íslands.

Delta er að fljúga frá New York JFK. 

Af hverju er ekki flogið með farþegana frá Boston til NYC til Keflavíkur?

Flugfélög eru í samkeppni.  Ég hefði samt ætlað að flugfélögin ættu samstarf þegar svona kemur fyrir.  Það er að Delta myndi fljúga með farþega Icelandair til Keflavíkur.

Kannski eru þetta léleg samskipti.  Kannski hafa flugfélögin aldrei talað saman.

En þegar svona gerist, þá á samkeppnin að víkja.

Þegar ég starfaði í Berlín á hóteli, þá létum við oft samkeppnina víkja þegar við áttu í erfiðleikum.

Við í ferðaiðnaðinum verðum að standa saman þegar svona gerist.

Nokkrir tímar urðu að tveimur dögum