Bud Spencer að opna veitingastað í Berlín?

 

Sundkappinn og kvikmyndahetjan Bud Spencer, fæddur Carlo Pedersoli, langar gjarnan til að opna veitingstað í Berlín.

Frá þessu greinir ahgz.de og vísar í fjölmiðla í Berlín og blaðamannafund sem haldinn var með Bud Spencer.

Bud Spencer greindi einnig frá því hvað veitingastaðurinn á að heita.  Hann á einfaldlega að heita Bud Spencer. 

Það verður áhugavert að sjá hvort að veitingastaðurinn bjóði upp á fleira en baunir.  Baunir voru uppáhaldsmaturinn hans og Terence Hill í mörgum kvikmyndum þeirra félaga.

Bud Spencer er á ferðalagi um Þýskaland að kynna heimildarmynd um hann sjálfann, Bud´s Best - Heimur Bud Spencer.  Heimildarmyndin verður sýnd á ARTE 17. mars næst komandi.

Hvort að Bud Spencer hafi aðeins verið að grínast á eftir að koma í ljós. 

Það verður enn meiri ástæða að heimsækja borgina ef Bud Spencer opnar þar veitingastað.

Hér er viðtal við Bud Spencer og Terence Hill á ensku frá árinu 1983:

Athugasemdir

[Vilhjálmur Örn Vilhjálmsson, 8.3.2012 kl. 17:15]

Þar verða buffin vel barin.

Mér er sagt að augun í Terence Hill séu þýsk. Gæti hann ekki opnað líkamsræktarstöð í Duisburg?

[Stefán Júlíusson, 8.3.2012 kl. 21:54]

Terence Hill býr líklega enn í Stockbridge, Mass. sem er í "the Berkshires".

Stockbridge er frábær bær með frábæra sögu. 

Mæli með að þú heimsækir hann ef þú ert á ferðinni.