Innflutningur á sorpi og ferðamönnum. Það fer ekki saman

Hrein ímynd Íslands og innflutningur á sorpi fer ekki saman.

Þó svo að einhverjar tekjur verði til við sorpbrennsluna, þá getur hún til skemmri og lengri tíma skaðað ímynd svæðisins og þar með ferðaiðnaðarins.

Flestir erlendir ferðamenn koma til landsins í gegnum Keflavíkurflugvöll.

Suðurnesin hafa þar með mjög sterka stöðu til þess að auka fjölda ferðamanna sem dvelja lengur á Suðurnesjum.

Langtíma styrkur og tækifæri Suðurnesja fellst ekki í sorpbrennslu heldur að auka tækifæri í ferðaiðnaði.

Íslendingar búa til nóg af sorpi og með auknum ferðamannastraumi vex það magn af sorpi sem verður til á landinu.

Hér er áhugaverð frétt frá Tælandi um ferðamenn og sorp.

 

 

„Viljum ekki flytja inn sorp“

Ferðaiðnaður: Kaupmannahöfn - Akureyri

RÚV greinir frá því að Iceland Express ætli að fljúga beint til Akureyrar frá Kaupmannahöfn. 

Þannig komast ferðamenn beint norður.

Ég svo sannarlega vona að aðilar í ferðaiðnaði notfæri sér þetta tækifæri.

Það er nefnilega ekki aðeins hlutverk Iceland Express að fylla vélarnar.

Ég mæli með því að ferðaþjónustuaðilar ræði við Iceland Express um samstarf í þeim málum.

Þetta styrkir ferðaiðnaðinn og veitir möguleika á flugferðum allt árið um kring. 

Mér finnst einnig mjög gott hvernig Iceland Express og WOW eru að uppgötva Austur-Evrópu.  Þetta er nærri algerlega ónýttur markaður fyrir íslenskan ferðaiðnað. 

 

Val milli sólarstrandar eða fara hringinn?

Ég skrifaði um þetta í gær en langar aðeins að bæta við það vegna þess að þessi frétt kemur í dag.   

Í íslensk ferðaþjónusta á ekki að keppa við sólarstrendur því hún getur það ekki og á ekki að gera það.  Þetta er ekki hægt að bera þessar "vörur" saman.  Þetta væri eins og ef við værum stöðugt að bera sama Lödu og Rolls Royce.

SAF geta þakkað samkeppni á flugferðum til og frá Íslandi fyrir að fleiri fara á sólarstrendur.  Þetta lága verð til útlanda og aukin samkeppni færir okkur einnig fleiri ferðamenn til landsins.

Það er ekki nauðsynlegt að keyra hringinn.  En ég get skilið að bílaleigur kvarti, en þetta er þá erfitt fyrir bílaleigur en ekki ferðaþjónustuna.  

Norræna landar á Seyðisfirði.  Hvernig væri það ef bæjarfélög á Austfjörðum myndu leggja meiri kraft í að auglýsa svæðið með Norrænu eða Smyril-line?

Hvernig væri það að ferðaþjónustufyrirtæki myndu nú leggja meiri kraft í það að boðið verði upp á beint flug til Akureyrar frá útlöndum.  Beint flug til Akureyrar myndi stórbæta afkomu ferðaþjónustu á svæðinu.

Hækkandi eldsneytisverð er þáttur sem mun alltaf ógna starfsemi ferðaþjónustu.  Það er ekki hægt að taka hann úr þeim flokki.  Bensínverð er einnig samkeppnishæft við bensín erlendis.

Þess vegna er mikilvægt að líta á styrkleika og tækifæri og vinna í þeim. 

Til samanburðar: 

Volkswagen Golf, kaskótryggður með öllu kostar í Berlín 486,39 evrur í 7 daga, 18. til 25. júní 2012.

Volkswagen Golf, kaskótryggður með öllu kostar á Keflavíkurflugvelli 1109,08 evrur sömu 7 dagana.

Er þá ekki tilvalið fyrir SAF og bílaleigur að berja í gegn lægri skatta á bílaleigurnar sjálfar svo hægt sé að bjóða viðráðanlegt eða samanburðarhæft verð?

Annað í þessu, ef SAF er að auglýsa það að eldsneytisverð er oft hátt, fá þau þá ekki enn færri til þess að ferðast innanlands?  Jákvæðara væri að berjast fyrir betri samgöngum og Vaðlaheiðagöngum.  Þá eru þau með jákvæð "baráttumál" sem ferðaiðnaðurinn mun njóta næstu áratugina í staðin fyrir hluta af ári.

 

Liggja á bæn um lækkun

Hvernig fáum við ferðamenn til að fara út fyrir Reykjavík?

Ég ætla ekki að mótmæla Samtökum ferðaþjónustunnar.

En ef það á að lækka álögur á eldsneyti, þá á það að vera til lengri tíma.  

Lækkun til skamms tíma hefur ekki langtíma áhrif á rekstur fyrirtækja.  Það getur líklega reddað einhverjum yfir árið, en hvað á svo að gera á næsta ári.

Eldsneytisverð er að hækka og mun alltaf fara hækkandi.  Ferðaþjónustufyrirtæki verða að taka það með í reikninginn og finna aðra möguleika til þess að lækka kostnað.

Sem dæmi má nefna sparneytnari hópferðabílar, minni hópferðabílar, annar eldsneytisgjafi og þess háttar.

Ég ákvað að taka "áskorun" SAF og leita að sæti, á internetinu, frá Reykjavík til Húsavíkur og það á ensku.  Ég mæli með því að þú gerir það einnig.  Það væri líklega enn meiri og skemmtilegri áskorun að bóka ferð frá Reykjavík til Þingeyrar.  

Það er ekki svo einfalt að leita að rútuferðum á netinu. 

Auðveldast er að gista þá bara í Reykjavík og fara í dagsferðir.  Það er ekki flókið á netinu.

Af hverju tala ég svona mikið um internetið? 

78% ferðamanna til Íslands skipulögðu ferðina til Íslands sjálfir.

75,4% ferðamanna notuðu internetið til upplýsingaöflunar.

Ef landsbyggðin vill ekki missa af ferðamönnum, þá á hún að samhæfa krafta sína til þess að aðstoða verðandi ferðamenn við að skipuleggja ferðina um landið.

Stöðug mótmæli vegna verðhækkana á eldsneyti fjölgar ekki ferðamönnum á landsbyggðinni heldur meiri kraftur í samhæfðum markaðsmálum ferðaiðaðarins á landsbyggðinni.

Alvarleg áhrif á ferðaþjónustuna

Fín ræða Steingríms

Ég verð að segja það að mér fannst þessi ræða alveg frábær.

Landbúnaður er mjög mikilvægur.  Hér á Íslandi eru kjör aðstæður fyrir sjálfbæran og framsækinn landbúnað.

Mér finnst gott að Steingrímur talar um sjálfbæran landbúnað en ekki fæðuöryggi.  Sjálfbær landbúnaður skapar aukið fæðuöryggi.  

Mér finnst einnig gott að hann minntist á ferðaþjónustu í sambandi við landbúnað.

Ferðamenn fara mikið út á land og dvelja oft lengi fyrir utan Reykjavíkursvæðið.  Þar með skapast aukin eftirspurn eftir matvælum á landsbyggðinni.  Af hverju ætti þá ekki að selja ferðamönnunum matvæli sem framleidd eru í nágreninu.  

Það myndi auka upplifun ferðamannsins ef hann gæti notið afurða svæðisins sem hann dvelur á.  Því er ekki að neita.

Ferðamennirnir fara með þessa upplifun heim til sín og vilja líklega aftur kaupa íslenskar vörur.  Þannig getur markaðssókn erlendis byrjað á Íslandi.

Ferðamönnum á eftir að fjölga mikið á næstu árum.  

Þeir ferðamannastaðir sem byggja á því sem fyrir er á svæðinu eiga eftir að standa upp úr og dafna. 

 

 

Bjartsýnn á framtíð landbúnaðar

Náttúruverndarsamtök og ferðaiðnaðurinn eiga að starfa saman

Það er ekki gert ráð fyrir því í rammaáætluninni að byggja eigi upp ferðaiðnað á Reykjanesi.

Það er gert ráð fyrir því að stór hluti fari undir virkjanir.  Ég skil ekki alveg til hvers það þarf að byggja svona margar virkjanir.  Í hvað á allt rafmagnið eiginlega að fara, en það er önnur spurning og hefur ekkert með ferðaiðnaðinn að gera nema að því leiti að ferðaiðnaðurinn þarf rafmagn.

Það er mjög gott að mótmæla.  

Til þess að mótmæli nái fram að ganga væri ekki verra ef ferðaiðnaðurinn og náttúruverndarsamtökin myndu móta sameiginlega stefnu í náttúruvernd og ferðaiðnaði á svæðinu. 

Það er ýmislegt sem við ættum að hafa í huga þegar stór landsvæði eru nýtt í virkjanir:

1.  79,7% sögðu að íslensk náttúra væri ein af ástæðum þess að koma til Íslands
2.  46,6% ferðamanna ferðuðust til Reykjaness 
3.  Þegar ferðamenn voru beðnir um að nefna þá ferðamannastaði sem voru eftirminnilegastir (Þetta var opin spurning) nefndu þeir eftirfarandi:

1. Náttúran, útsýnið/ landslagið (16,6%)
2. Bláa lónið (7%)
3. Fjallagöngu/göngur/Fjallgöngu (5,2%)           (Ferðamálastofa 2012) 

Þrjár aðal ástæður þess að koma til Íslands eru að öllu leiti eða að hluta til á Reykjanesi.  Nú þarf að koma því til skila til yfirvalda.

Besta leiðin er að sýna möguleikana og hvernig þeir eru nýttir í dag og hvernig gert er ráð fyrir því að þeir verði nýttir í framtíðinni.

 

Heimildir:  

Ferðamálastofa. 2012. International Visitors in Iceland: Visitor Survey Summer 2011.

Reykjanesfólkvangi breytt í iðnaðarsvæði

Sviss, Ísland og asískir ferðamenn

Í gær, fimmtudag, birtist áhugaverð grein á forsíðu "Bündner Tagblatt" sem gefið er út í Graubünden.  Graubünden er Kantona í Sviss.

Í greininni er skýrt frá því að kínverjar hafi eytt um það bil 600.000 gistinóttum í Sviss.  Það er aukning um 47% á milli ára.  En Kínverjar koma ekki til Graubünden, þeir fara frekar til Luzern, Zürich, Interlaken og Genf.  Það hefur gengið erfiðega að fá Kínverja til að heimsækja Graubünden.  

Mario Barblan, sérfræðingur í ferðaiðnaðinum, segir að kantónan hafi glatað tækifærinu til að marka sér langtíma stefnu hvað varðar asíska markaðinn og hafi því tapað dýrmætum tíma.  

Gaudenz Thoma, framkvæmdarstjóri Graubünden Ferien, sér þetta öðrum augum og er efins að ferðamenn frá asíu sé rétti markaðurinn til að taka við öðrum ferðamönnum á hinum gamalgróna markaði í Þýskalandi og í Sviss.

Ég tel að  Mario og Gaudenz hafa báðir rétt fyrir sér að einhverju leyti.  

Þó svo að fleiri ferðamenn frá asíu eru að koma til evrópu, þá það það ekki endilega að vera þannig að þeir séu ferðamenn sem  henta öllum svæðum og þeirra áherslum.

Asískir ferðamenn hafa farið frekar hratt yfir evrópu á ferðum sínum, þ.e. þeir stoppa stutt á hverjum stað.  En þar sem þeir stoppa þá eyða þeir peningum, stundum gífurlegum fjárhæðum.

Graubünden leggur meiri áherslu á að ferðamenn njóti dvalarinnar til lengri tíma. en ekki aðeins í eina nótt.

Sú hugmynd kom upp fyrir einhverjum árum að eitt besta hótel evrópu, Quellenhof í Bad Ragaz, var fengið til að taka á móti gestum í te.  Það er auðvitað frábær hugmynd að fá ferðamenn til að koma við á svona flottu hóteli og fá te.  Góð auglýsing fyrir hótelið, eða?

En þá verðum við að spyrja okkur hvort að hótel sem þetta á að fá hlutverk kaffiteríu.  Það er mikill munur á 5 stjörnu hóteli og kaffiteríu og því var hætt með þessi kaffistopp.  Ég sjálfur hefði aldrei tekið það í mál.   Peningar eiga ekki alltaf að vera aðalatriðið.

Hvað eru mörg fyrirtæki með heimasíðuna sína á kínversku og hversu margir starfsmenn tala kínversku í söludeildum íslenskra fyrirtækja í ferðaiðnaði?  Það væri áhugavert ef vði fengjum ábendingar um það. 

Það er mikilvægt að marka sér langtíma stefnu á asíska markaðnum.  Ég tel að Ísland eigi að stefna á þann markað.  Munurinn á Sviss og Íslandi er að Ísland er eyja.  Sama hvert ferðamaðurinn fer, þá verður hann á Íslandi og það er gott fyrir landið og ferðaiðnaðinn í heild sinni.

Nubo styrkir íslenskan ferðaiðnað

Ég verð að viðurkenna það að ég var frekar hlynntur kaupum Nubo á Grímsstöðum.  Eftir á að hyggja get ég fallist á ákvörðun Ögmundar um að banna kaupin.

Nú er verið að fara aðra leið sem fleiri aðilar geta fallist á.  Bergur Elías, sveitarstjóri Norðurþings, vill sem minnst segja um málið fyrr en það er í höfn.  

Ég hlakka til að sjá hugmyndir Nubo hvað hann ætlar að gera á svæðinu.  Ég vona þó að hann hugsi í anda sjálfbærrar þróunar, þ.e. hugsi um náttúruna og samfélagið.  Hann sér tækifæri og það finnst mér mjög gott og við getum vonandi lært af honum í því sambandi.

Margir telja að ferðaþjónusta felist í því að byggja eitt hótel með bílastæði og kannski golfvelli.  Þróun ferðaþjónustu getur falið í sér miklu meira.  Það eru í raun engin takmörk  fyrir því hvað hægt er að gera. 

Ég vona að sátt náist í þessu máli.  Það er gott ef ferðaiðnaðurinn á landsbyggðinni nær að styrkjast og dafna. 

Tíðinda að vænta innan tíu daga

Berlín, vanmetinn markaður?

Ég hef lengi talið Berlín og nágreni vera vanmetinn markaður hjá íslensku flugfélögunum.

Ástæðan er sú að fá og stundum engin beinar flugferðir voru frá Berlín til N-Ameríku.  Þjóðverjar þurftu því að fljúga, eða taka lestina, til Frankfurt-Main eða annara borga í vestrinu.

Ég er alveg viss um það að Icelandair og Iceland Express hefðu vel getað boðið Þjóðverjum að fljúga frekar í gegnum Keflavík en Frankfurt-Main eða þá Köln-Bonn. 

Núna er þetta tækifæri eða forskot að hverfa eftir því sem fleiri beinar flugferðir frá Berlín til N-Ameríku eru í augsýn með nýja flugvellinum sem verður opnaður á þessu ári í Schönefeld.

Fá tækifæri koma aftur og því er nauðsynlegt að grípa þau á meðan þau gefast.

En nú eru önnur tækifæri að koma og þau þarf að grípa.

Með fleiri flugferðum frá Berlín til Íslands eykst að öllum líkindum ferðamannastraumur Þjóðverja til Íslands.

Lágfargjaldaflugfélögin keppast um lægsta verðið en Icelandair þarf ekki að vera í þeim hópi.  Styrkleikar Icelandair liggja í öðru en lægsta verðinu. 

Ég hlakka til komandi sumars og vonandi hafa þau öll úthald til að fljúga allt árið um kring.

 

PS.  Ég er auðvitað mjög þakklátur fyrir aukinn áhuga á Berlín hjá íslensku flugfélögunum og þeim þýsku.  Ég hef búið í Berlín í rúm 10 ár með smá pásum.  Það var ekki auðvelt að komast til Íslands fyrir 10 árum síðan eins og það er í dag. 

Lítill munur á fargjöldum

Hótel: Fá gestirnir þínir bollu á bolludeginum?

Ég skrifaði fyrir nokkrum dögum um hvernig veitingastaðir eiga að láta gesti sína vita að þeir eru að borða íslensk matvæli til þess að auka upplifun gesta sinna

Nú er að koma bolludagur. Væri það ekki "sérstök" upplifun fyrir erlenda gesti að fá bollu á bolludeginum?

Þú getur verið viss um það að ef þú upplýsir gestina þína um þennan íslenska sið og gefur honum bollu í leiðinni að þá mun hann ekki gleyma þér svo auðveldlega.

Útfærslan er í þínum höndum.  Það er hægt að kaupa bollur eða baka þær á staðnum.  Hvenær gestirnir fá bolluna, einnig.  Hér er hægt að láta hugmyndarflugið ráða. 

Þetta getur auðveldlega orðið hápunktur dvalarinnar hjá erlendum ferðamönnum.

Það er ekki langur tími til stefnu, þannig að þú skalt gera ráðstafanir strax í dag.

Það er ef þú hefur ekki þegar gert ráðstafanir.

Gerðu þetta að árlegum viðburði hjá þér.  Það á eftir að borga sig.

Vatnsdeigið vinsælast